’கோலி டூ ஷமி’ யாருமில்லை.. நியூசிலாந்து டி20 தொடருக்கு சீனியர் வீரர்கள் இல்லாத இந்திய அணி?

இந்திய கிரிக்கெட் அணி நடப்பு டி20 உலகக் கோப்பை தொடரில் சூப்பர் 12 சுற்றுடன் நாடு திரும்புகிறது. இந்நிலையில் அடுத்த சில நாட்களில் நியூசிலாந்து அணி இந்தியாவில் சுற்றுப்பயணம் மேற்கொண்டு 3 டி20 மற்றும் 2 டெஸ்ட் போட்டியில் விளையாட உள்ளது. 

இந்த தொடருக்கான இந்திய அணியில் விராட் கோலி, பும்ரா, ஷமி, கே.எல்.ராகுல், அஷ்வின், ரிஷப் பண்ட், ஜடேஜா மாதிரியான வீரர்களுக்கு ஓய்வு அளிக்க இந்திய கிரிக்கெட் வாரியம் திட்டமிட்டுள்ளதாக தகவல் வெளியாகி உள்ளது. ஆல் ரவுண்டர் ஹர்திக் பாண்டியா அணியில் இடம் பெறுவதே சந்தேகம் என்ற நிலை உருவாகி உள்ளதாகவும் தகவல். 

இவர்களுக்கு பதிலாக வெங்கடேஷ் ஐயர், வருண் சக்கரவர்த்தி, ராகுல் சஹார், அக்சர் பட்டேல், பிரசித் கிருஷ்ணா, முகமது சிராஜ், ருதுராஜ், ஷ்ரேயஸ் ஐயர், இஷான் கிஷன் மாதிரியான வீரர்கள் விளையாடுவார்கள் என எதிர்பார்க்கப்படுகிறது. இந்த தொடருக்கு இந்திய அணி விவரத்தை விரைவில் பிசிசிஐ வெளியிட உள்ளது. அதில் இந்திய டி20 கிரிக்கெட் அணியின் புதிய கேப்டன் யார் என்பதும் தெரிந்துவிடும். 

Source : WWW.PUTHIYATHALAIMURAI.COM

from Puthiyathalaimurai - Tamil News | Latest Tamil News | Tamil News Online | Tamilnadu News
via TamilSportsTime