இயற்கை மரணமே இது - ஷேன் வார்னின் பிரேத பரிசோதனை அறிக்கையில் தகவல்

பாங்காக்: ஆஸ்திரேலிய கிரிக்கெட் ஜாம்பவான் ஷேன் வார்னின் பிரேத பரிசோதனை அறிக்கை வெளிவந்துள்ளது. இதில் வார்ன் மரணம், இயற்கையான காரணங்களால் நிகழ்ந்தது என்று சொல்லப்பட்டுள்ளது.

தாய்லாந்து அதிகாரிகளால் உறுதி செய்யப்பட்ட பிரேதப் பரிசோதனை அறிக்கையில் ஷேன் வார்ன் இயற்கை மரணம் எய்துவிட்டதாக குறிப்பிட்டுள்ளனர். இது தொடர்பாக தாய்லாந்து காவல்துறை செய்தித் தொடர்பாளர் கிசானா பதானாசரோன் என்பவர் கூறும்போது, "இன்று தான் இந்த வழக்கை விசாரித்து வரும் காவல் அதிகாரிகள் வார்னின் பிரேத பரிசோதனை அறிக்கையைப் பெற்றனர். மருத்துவர்கள் அதில், மரணம் இயற்கையாகவே நிகழ்ந்துள்ளது என்றுள்ளனர். வார்னுக்கு ஆஸ்துமா மற்றும் இதயப் பிரச்சினைகள் இருந்ததை ஏற்கெனவே அவரின் குடும்பத்தினர் உறுதிப்படுத்தியிருந்தனர். பிரேதப் பரிசோதனை அறிக்கையை காவல்துறை அதிகாரிகள் விரைவில் வழங்குவார்கள்" என்று தெரிவித்துள்ளார்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
via TamilSportsTime