44ஆவது செஸ் ஒலிம்பியாட் தொடரை நடத்த 18 அதிகாரிகள் குழு - தமிழ்நாடு அரசு அரசாணை

byPk world May 13, 2022

சென்னை மாமல்லபுரத்தில் நடைபெற உள்ள 44ஆவது செஸ் ஒலிம்பியாட் தொடரை சிறப்பாக நடத்தி முடிக்க ஐ.ஏ.எஸ், ஐ.பி.எஸ் அதிகாரிகள் தலைமையில் 18 குழுக்கள் அமைத்து தமிழக அரசு அரசாணை வெளியிட்டுள்ளது.

செஸ் ஒலிம்பியாட் தொடருக்கான வரவேற்பு பணிகளை மேற்கொள்ள ஜெகநாதன் ஐ.ஏ.எஸ் நியமிக்கப்பட்டுள்ளார். போக்குவரத்து பணிகளை மேற்கொள்ள கோபால் ஐ.ஏ.எஸ் தலைமையில் குழு அமைக்கப்பட்டுள்ளது. ஸ்பான்சர்ஷிப் பெறுவதற்கான பணிகளை மேற்கொள்ள கிருஷ்ணன் மற்றும் பணிந்திர ரெட்டி ஐ.ஏ.எஸ் தலைமையில் குழு அமைக்கப்பட்டுள்ளது.

Mecca of Chess' Chennai To Host 2022 FIDE Chess Olympiad - Chess.com

துவக்க மற்றும் நிறைவு விழா பணிகளை மேற்கொள்ள உயர்கல்வித்துறை முதன்மை செயலாளர் கார்த்திகேயன் ஐ.ஏ.எஸ், சுகாதாரம் சார்ந்த பணிகளை மேற்கொள்ள செந்தில் குமார் ஐ.ஏ.எஸ் ஆகியோர் நியமிக்கப்பட்டுள்ளனர். செஸ் ஒலிம்பியாட் ஜூலை 28 முதல் ஆகஸ்ட் 10ஆம் தேதி வரை நடைபெற உள்ளது.